希望黎緊星期六去照順順利利見到小b健健康康.
我好好彩無作嘔, 只係坐車時覺得焗同dun, 就有少少作悶,
呢2星期胃氣好犀利, 一食飽就"egg"好多次同好大聲, 又放屁, 又去唔到大大,
反而係腸胃辛苦, 個肚好似漲住咁, 間唔中好似個肚陰陰痛, 又唔知係腸胃問題定子宮擴大緊,
不過都算陀得舒服架喇!
Dr Siu叫我食糖尿藥同塞藥到8w咋, 但我有少少擔心, 怕第3個月唔食藥塞藥先有問題,
好唔好自己繼續呢?
其實我上2星期排到我睇Dr Chan, 我都去睇一睇, 佢就建議我糖尿藥食到12w, 塞藥我唔記得問添.
Dr Chan 果度無Dr Siu咁大, 不過比我感覺佢都好細心, 每樣野問得我好清楚, 同解釋得好清楚.
依家無返工, 時間過得好慢, 日日食同訓同上網, 真係怕好快會肥好多呀, 哈哈
