再見了靚景!

一直覺得自己好幸運, 有一份打了十年的工, 人少少又清閒, 話得下事, 而且又有一個好好的老公.

不過今年終於覺得好運不是永遠伴隨, 公司終於要結業了, 其實唔係無錢賺, 只係果邊老細話要摺埋就摺埋,
我返左咁多年, 真係好唔捨得, 在這裡我經歷了很多, 中間又自己一手一腳由港島搬去旺角又搬番黎,
setup 晒所有既野, 依家又要自己結束晒佢,  要同呢個靚景say goodbye了!

另外今年開始生育問題都令我有點失落, 原來要生小朋友真係唔係咁容易,
最可惜係屋企人都唔明白我, 淨係話我飲凍野攪成咁, 只是埋怨我,
幸好老公支持我啦,
或者係呢個時候, 個天安排我好好迎接新生命啦(希望!)

做左咁多年野, 我真係想暫時抖一抖, 又想去下旅行,  畢竟又要成日睇醫生, 我諗新工未必容許成日請假.
希望個天收到我個message啦!

new life

很久沒有update了, 近來生活好充實, 好像沒有什麼停下來的時間

話咁快, 又一年了, 這一年好像快鏡咁過, 快樂地過~

原本睇下睇下既野, 估唔到真係要買, 一點一滴放在屋裡

建立起你的新生活來, 感覺真的很開心

我們又去行山了, 今次行鹿頸, 暑假後第一次行, 比較容易點
一班朋友一起, 行下傾下, 好似好快就行完了

我們就是繞著這裡行山

家裡的一員

家裡有一位成員, 就是小烏龜.
記得大概幾年前去青松觀, 有一個有緣人在水池裡撈了一隻龜仔比妹妹,
那隻雖然已經仙遊去了, 但可能令妹有龜龜情意結,
走了一隻, 又買過另一隻回來~
今次的一隻, 不知是誰改名的, 叫小維,
我就不如叫牠~ 喂呀喂~
牠很奇怪的, 總是喜歡爬在草上看風景, 
跌左落去又爬番上去, 很有毅力, 哈哈~
不知是不是怕游水呢~

yeah~ 放假去旅行了~
回來再講~

容祖兒 x 草蜢 拉闊音樂會

多得你的幫手, 成功換到4張拉闊音樂會飛

我當然邀請你,和2位好友和我一齊睇concert啦!!

第一次去亞洲博覽館的我們, 當然十分興奮啦!
只是要考慮一下交通的問題.
常常迷路的我, 一去到東涌就遇到阻礙了.
已經查清楚有S56由東涌新發展碼頭去東涌地鐵站,
上了車問司機, 佢居然說這架車不是常去地鐵站的, 我們當堂

幸好都找到了E31去東薈城.
吃完晚飯就向博覽館進發.

入到場館, 好大啊, U形場, 感覺好過會展.
我們的座位在上層, 雖然遠, 但望落去都唔錯呀, 起碼無人遮擋.
開show了, 容祖兒和草蜢各自唱對方的歌.
記得有草蜢唱心淡和Joey 唱失樂園,
雖然耳熟能詳, 但還不及原唱者好聽啊,
我可寧願他們唱回自己的歌!!
中間他們唱了幾首大家唔識的慢歌, 就快睡著了~
最後的半個鐘才是高潮所在, 4人大跳大唱, 帶起全場的氣氛, 正!!

花絮: 個個都趕著入場趕著走, 可是場館規定不能帶長傘入內, 所以個個紛紛排隊放傘取傘,
所以才會出現這個遮海奇景!!

因為有緣

有人認為，巧合造就一切。


在車站前碰面、在朋友的聚會中遇到、在列車上相見、在轉角街頭邂逅，一切都因為「巧合」兩個字，然後雙方互相傾慕，繼而共墮愛河……

雖然巧合製造萬千機遇，讓陌路人擦身而過，讓不認識的人相遇，讓人生的道路從平行線變成交叉點，可是光憑巧合還是不足夠。

擦身而不接觸，相遇而不往還，交接但卻分道揚驃，只會令一切都化為烏有。

唯有緣分，讓擦身而過的人互相吸引，讓相遇的人駐足對視，讓交接的人生道路變成並肩而行，讓有心的人深深相愛。

如果說巧合能令愛情的種子得以紮根；那麼緣分則能令愛情得以開出璀璨艷麗的花朵。

緣份真是很奇妙, 本來2個唔相關的人, 一下子, 就連繫在一起

你走進我的生活, 我走進你的生活.
和你的朋友食海鮮, 和你的家人吃晚飯, 跟你的Janice和Edison行街街,
原本真的想都未想過, 真奇妙.

記得新年的時候在深水步吃飯, 第一次見你的細舅母? 她走的時候跟我說 Welcome to our family.
我一下子反應不來, 只笑笑, 回想起來也真的幾touching.
路, 還很悠長, 牽手一起走過吧.

開張大吉!

看著別人的Yahoo blog, 很多都很特別, 附圖也很方便.
越來越發覺msn space不好用, 因為太慢, 放圖也不方便, 所以就試下新環境啦~