呢排咳到我同老公都訓得唔好
睇屋企附近d醫生, 只係開d輕藥, 食極都咳, 我都係唯有返入屯門睇番睇左十幾年既醫生,
佢先敢開d重d既藥比我, 我都知大肚食藥係麻煩d啦,
依家仲麻煩既係大住肚, 成日都好急, 一咳就忍唔到, 真係煩, 希望咳咳快d好!
咁又講番個心跳問題, 前2日終於等到去瑪麗睇婦產科, 之前只係去健康院同贊育咋.
咁我果朝食左醫生d咳藥, 可能我又緊張, 一去到瑪麗, 血壓又高, 心跳又快, 我自己都feel到跳出黎
血壓度第三次終於正常番, 不過醫生都係話我心跳快,
咁我都有比d咳藥佢睇可能今日有d影響,
咁上次驗血既甲狀腺係無問題既,
醫生本來想我入院, 等睇心臟科醫生, 但佢話唔知等幾耐架喎, 唔駛住院, 但有可能等兩三日既日頭先等到,
吓, 咁都得? 咁我咪日日得個等字? 不過我諗住佢話點就點啦.
之後佢都可能覺得唔係幾好, 就叫我做個心電圖先, 之後再寫信我排睇心臟科, 不過可能無咁快有得睇.
咁就係婦科果度做左心電圖, 之後寫介紹信我去排心臟科新症.
醫生無再同我講番個心電圖點樣, 不過我睇到封介紹信就有d驚,
我查字典好似有d心臟收縮既字眼, 我再拿封信問下我睇咳個醫生, 佢話佢寫我有d雜音, 不過唔駛太擔心.
唉, 點會唔擔心, 我依家又唯有等2星期後睇心臟科啦, 希望無咩事啦!
, 又叫我伸直對手, 話我有少少手震, 話我可能甲狀腺問題, 咁又抽血驗, 