33w 續好痕 & 超抵電泵好介紹!

估唔到完結左咳到訓唔好的時間, 依家就痕到訓唔好, 唉!
呢排搵左d 妊娠濕疹既資料, 都有d似我依家既狀況.
就算以前無出過濕疹既人, 大肚都有機會有. 跟大家分享下!


http://pwiki.mombaby.com.tw/index.php/%E5%A6%8A%E5%A8%A0%E6%BF%95%E7%96%B9
妊娠濕疹的發生多因外在的濕熱與內在的濕氣（孕期體內水分比平常增加約40%～50%），兩邪相合而併發搔癢難忍的情況，甚至狀況嚴重的孕媽咪，除了奇癢難忍外，還可能在皮膚表面滲出液體，使原本的範圍更加擴大而難以痊癒。
即使有些從未發過濕疹之人，也容易在懷孕時，於四肢關節處、皮膚皺褶處或與衣服摩擦處，出現表面色暗的紅癢斑塊，伴隨膚屑、嚴重時，則會在
表面出現濕滑的液體，終日不乾。此症多發生在體內容易蘊積濕熱的體質，因孕期體質改變，容易出現虛熱的現象，若是加上平時愛喝冰涼飲品、吃生冷食物，容易
加重原本身體內溼氣鬱積的情形。



http://happypama.mingpao.com/cfm/parenting3.cfm?File=20091122/newa/ola1.txt
打救皮膚做個靚媽
孕婦易生濕疹黃褐斑
上次瑪麗醫院只開左支Aqueous Cream, 只可幫到一時, 隔幾個鐘又痕過, 攪到我粒粒越來越多.
所以我決定去睇中醫啦, 可能我要去除濕熱, 先攪好個底先得.
之前睇生bb睇果d中醫都要book, 我真係忍唔到啦, 就搵左呢間中醫診所, 又幾好喎, 佢有好多醫師, 即book就叫我半個鐘後去睇.
開頭比左個皮膚科既醫師我, 後來知我有左就叫我睇婦科呢個.
呢個吳醫師好有經驗咁, 講國語既, 旁邊有個學生一齊睇.
醫師話我濕熱, 叫我唔好食芒果, 榴槤, 荔枝, 蝦, 蟹, 生蔥, 生蒜, 呢d食物, 我會記住架啦.
佢仲建議我用黃色洗衫皂洗身可止痕, 咁我又真係無諗過喎, 我仲諗住佢叫我用中藥果d來洗身添, 隔離個學生都覺得得唔得呀?
我尋日試過又真係止到下喎, 哈哈.

醫師開左3日藥粉比我, 只係$180咋, 真係幾抵喎, 之前我睇中醫至少$500落樓啦, 如果好既我都會再睇.

好介紹下先:

我終於都買左呢隻Karibu摺盤比bb沖涼啦, 紫色都幾靚呀,
雖然比普通盤貴d, 但佢又慳位, 又有去水位, 又有太熱顯示,  baby planner會員價$370咋, 原價4百幾既.

超級好介紹: Medela Swing Maxi 雙電泵 

至於奶泵, 其實我一直十五十六唔知好唔好買住, 因為唔知到時餵唔餵到人奶, 諗住生完先算.
點知係BK比我發現呢隻Medela Swing Maxi 雙電泵係Amazon好抵買, 就終於order左啦.
我睇過永安賣$3300架, 依家$1000都唔駛連香港運費呀, 雖然未有貨,  各位大肚媽媽都可以考慮下買左先呀, 至到 30 June, 2013 咋.

其實我星期日果時決定買係£121.31, 係$1500左右,  點知星期一再係BK見到話再減價, 即時cancel order再買過, 依家係£81.81 咋, 即係$1000左右, 真係超抵!
買時要入PROMOTION CODE : L3MEH84U   就會減£75.
唔駛入Amazon family啦, 依家無左減£10.

詳請可睇呢度:

http://forum.baby-kingdom.com/forum.php?mod=viewthread&tid=7368007&extra=&page=1

http://www.baby-kingdom.com/forum.php?mod=viewthread&tid=7716169&extra=page%3D1&page=1

32w! 好痕呀!

小b係我肚入面, 久唔久就郁下, 不過有時靜心坐低先覺, 如果佢唔郁, 我就有點擔心,
拍下佢想佢郁為止, 哈哈, 老公都成日問我有無郁, 佢無郁, 我就話, 可能佢訓緊覺掛
依家我只希望佢出世的時候, 健健康康, 無病無痛就得啦,
雖然我都有點開始擔心生產既痛楚, 岩岩個朋友生第2胎都痛左12個鐘,  但我諗我會忍受到既, 小b, 加油呀!

一直我都覺得好好彩, 陀既時候唔算辛苦, 無嘔又好胃口,
不過依家開始覺得少少辛苦啦, 個肚越來越大, 行樓梯同斜路都心跳又索氣, 仲鬼叫我住係斜路上面, 免不了都唔想行上斜, 希望生果時個心頂得順啦!
有時訓醒時腳會抽筋, 不過呢樣都算少事,
依家個胸個肚大左, 妊娠紋會出其實我都預左, 但係我係勁痕,
最先係個胸, 胸底同肚底有紋同好痕, 痕到我訓訓下都醒, 之後係腰側邊, 總之都比我"拗"到紅晒出一粒粒,
岩岩前幾日產檢, 我問醫生有無辦法, 佢都無乜聽我講, 淨係見到個肚底果少少, 好似覺得我無乜野咁,
我唯有問佢拿藥膏搽啦, 搽左係好少少, 但依然好痕, 希望唔會痕到生啦!

原來醫生都係開呢隻水溶性乳霜, 我屋企都有一大瓶, 不過牌子唔同.

    呢度係腰同大脾之間, 攪到咁, 唉!    各位已生媽媽有無咩辦法?

醫院仲約左我36w係贊育驗B型鏈球菌,  唔知痛唔痛既呢?


無意中係雅培書見到call的士電話, 都係記低先, 以免到時搵唔到的士, 比大家參考下.

30w啦! 終點在望!

咳左成個月, 終於好番d啦, 雖然仲有2聲咳, 但我諗好快好晒啦!
最近果次係屋企附近睇醫生, 果個醫生依然係開果1種咳水同果1種藥丸, 因為大肚可以食既藥真係好有限, 睇左3個醫生都係開同一種咳水, 無乜效.
醫生都好似無乜辦法咁, 話可能仲要咳下, 天氣好d又可能好d,
所以各位大肚媽媽盡量都唔好比自己病呀, 真係好麻煩架!

呢排我既節目唔係去贊育就係去瑪麗, 一係聽奶粉商bb講座, 真係離唔開bb野!
係贊育醫院我報左產前運動班, 已經上左3堂啦,
頭2堂都係好簡單既產前運動, 其實講理論多過實踐,
1堂2個半鐘教得幾個動作, 都有少少悶架, 比起我上次係私人果度試一堂1個鐘真係私人教既運動多好多.
贊育第3,4,5堂都要老公一齊去既, 第3堂係教用生產球, 算係好玩好多, 不過到時唔知仲記唔記得d動作啦.
如果到時係產房有老公陪住, 就算有無fitball都好好多掛, 起碼有心理上既支持.
第4,5堂仲未上, 不過都好期待, 應該係會教生時點樣用力呼吸, 點樣舒緩.

上上星期六去瑪麗飲糖水, 老公都陪我捱肚餓, 又要等2個鐘, 抽血手臀都瘀左,
今次係第二次飲, 上次飲都無乜問題, 但今次一飲完, 我就出冷汗, 心跳加速, 有點唔舒服, 又唔想話比姑娘知到時要再約再飲過,
後來除左件外套, 又去左個廁所, 再定落黎, 好彩慢慢正常番, 其實果時真係擔心我係咪個心有問題定係有糖尿?

上星期二去瑪麗睇產前檢查, 一度血壓又高左少少, 好在坐左幾個字再度正常番, 上次我度第三次先正常
之後見醫生, 話前幾日飲糖水報告無問題, 放心晒, 我呢個多囊人無事真係好彩!
其他都係度下肚, 聽bb心跳, 無乜特別, 因為我果時仲未去睇心臟科, 所以都無咩做到.

跟住星期四又去瑪麗睇心臟科, 之前都千叮萬囑要準時, 因為醫生一過來睇完就走, 所以我都好早去到.
其實去瑪麗都幾麻煩, 要轉2次車, 早上又怕塞車.
去到內科心臟科, 新症要比$100, 都係磅重, 量血壓, 好彩今次正常唔駛再度過,
阿姐同我驗尿, 佢今次條試紙係5隻色既, 一驗, 佢好奇怪, 話有一樣有3個+, 但佢話好奇怪因為我無糖尿, 同埋我次次產檢應該有驗尿架,
重用第二條同我驗多次都一樣,
我問佢果+++即係乜野問題, 佢又話唔清楚, 叫我問醫生, 我就有少少擔心啦.
阿姐同我做心電圖, 應該係一陣比醫生睇, 做心電圖好快手, 痴左d電線係個心同手腳, 度一分鐘就得.
跟住等醫生出場, 同我一齊等既共有4個孕婦, 原來呢個醫生今次睇完我地4個就走.
見醫生就問下野聽下心跳, 我問醫生係咪都係跳得快, 佢話都係, 問我係咪平時好緊張, 我話唔係呀, 我依家都無返工, 其實我都唔知點解跳得快.
問醫生果+++, 佢問我係咪空腹驗, 我話係, 佢話空肚係正常喎, 乜內科驗尿唔係同產科一樣要空腹驗嗎? 總之佢話正常就得啦.
醫生就叫我去K17D做心臟超聲波, 咁我地4個大肚婆都係一樣等醫生做超聲波,
心臟超聲波都係同平時照肚超聲波差唔多, 都係搽gel照, 醫生睇住個mon, 不過醫生照時無講過野好嚴肅咁,
之後等報告, 好好彩, 醫生話我心瓣厚d, 操作正常, 建議生時要用抗生素之類, 其實我都唔知有幾大問題,
咁我問佢順產有無問題, 佢話無問題, 應該個心都無乜大問題掛, 放心晒, 寫左封信叫我比婦產科

次次係政府度肚, 其實都有點掛住要見bb,
我都約左私家產檢, 29w5d, bb已經有3lbs2oz啦, 馮醫生話胎水正常, 胎盤無前置,
不過小b比胎盤遮住塊面, 醫生好有心機同我個肚搖搖好多次想影張4D相,
終於都影到呢張啦, 識唔識睇呢, 左上係佢塊面仔, 佢前面係胎盤, 口附近有臍帶, 雖然個樣唔係太清楚, 但見到佢安好, size正常都好安心啦!

終於過左30w, 開始入直路啦, 好多bb野都買左啦,
bb床, bb車, 衫仔, 包被, 紗巾等等,  依家仲差消毒煲, 沖涼盤, high chair, 呢d都唔難買.
走佬袋都執得7788啦, 我發覺真係要好大個旅行袋先裝得晒, 淨係m巾尿片濕紙巾都佔好多位
望住呢d洗左既bb衫同包被, 真係覺得好快就會見到bb啦, 好開心

各位孕媽媽同努力緊既姊妹都要努力呀!