光波美食第三波-薯餅, 焗薯, 魷魚

買左光波爐之後, 好想試下整d平時整唔到既野!
以前係要用焗爐/炸先做到.
今次先試超市買現成薯餅:

再黎芝士西蘭花洋蔥腸仔焗薯:

蒜蓉魷魚仔:

實驗結果證明, 炸和焗的效果比較好, 因為要偏乾, 抽晒水份, 最好在爐底加水.
不過實驗都係成功既, 嘻嘻!

光波爐美食第二波- 斑蘭蛋糕

其實呢排心情都麻麻, 除了成日睇醫生打針的問題, 仲有工作的問題, 可能就快無得返工啦, 唉!

唯有搵第二d野轉移視線, 不如試下用光波爐焗蛋糕!
我一早已經在facebook光波爐group爬下文, 搵定d食譜, 原來有好多光波友架!

呢次係我第一次整蛋糕, 唔知整得好唔好呢?
我已經預先淘左電動打蛋器和廚房磅, 只係人仔$58咋.
原來都唔難架, 呢個斑蘭戚風蛋糕, 只要預拌粉+蛋+椰漿就可以.

如果以我今次用半盒蛋糕粉,
先打3隻蛋, 打蛋2分鐘, 再加半盒蛋糕粉打6-7分鐘, 打到蓬鬆變白,再加入半盒椰漿再打一陣,
就可以倒入我買既廚寶(可以焗蛋糕, 煲仔飯等) 175C 焗25-30分鐘, 當然其他模具都得, 真係好簡單!
焗完啦, 都算幾好食, 好香椰汁味又鬆軟!

第二次整(一盒粉可整2次), 有倒扣放涼, 終於無散啦, 好靚!

光波爐美食第一波

聽聞光波爐可以烤, 燒, 煎, 蒸, 焗, 炸多功能, 見到團購$399, 就急不及待買了一部試下.
拿到個煲, 都幾大個, 仲好重添, 因為係玻璃兜, 立即試下先!

先試下燒蒜蓉蝦同蒸魚, 同大家分享下.

雖然睇落好似幾靚, 不過算係小小失敗, 因為太乾.
我諗下次要放水在玻璃兜同埋要錫紙蓋面先得!
感想係, 燒的效果還可以, 蒸都係要搵番個鑊好d!

煲下花膠

"花膠簡單來說就是深海魚的魚肚煉成了乾貨..是一種補而不燥，固本培元之養生佳品。
蘊含極度豐富的天然膠原蛋白、鈣、鐵、磷質。「天然膠原蛋白」能令肌膚細胞重生，有助皮膚癒合及增強彈力，保持青春美態。

花膠含豐富高蛋白，高膠質，低脂肪及低膽固醇，無論男女老少都宜進食，對哮喘及糖尿病患者尤其有效。

亦能提升身體機能狀態，滋陰養血，固腎增精。
加強肌膚組織緊緻，使肌膚回復彈性，保持青春美態，延緩衰老。
對氣管，鼻敏感，呼吸道問題，肺部虛弱者，有特好強健保護功效。
有助骨骼組織回復緊密，強健骨骼及牙齒。
保護眼睛，預防弱視及白內障。
懷孕婦女產前進補及產後調理。
病後及手術後調理身體，預防復發，適合體弱人仕。
有助糖尿病人仕，調理身體。"

為了自己身體再好d, 都要補一補, 聽聞食花膠可以令子宮內膜厚d, BB著床好d, 易痴實d.


我就專登買花膠來煲, 之前奶奶都久不久煲比大家食, 今次係第一次自己整,
浸發花膠都好需時, 我就一次浸定多些雪落雪櫃.
原來要先浸凍水幾個鐘, 再煲薑蔥熱水焗佢幾個鐘, 之後再浸凍水.
不知我是否浸的時間太久? 點解花膠變得咁淺色? 還有啫o厘狀的物體在水中? 有人可以話我知嗎?

今晚煲了花膠椎山杞子龍眼肉雞湯, 都唔錯, 哈哈!