好開心同大家講秘密

今日係放丁後第17日, 係醫生叫驗孕既日子, 但其實我由13日開始已忍唔住驗綠d,
見到有少少控, 我同自己講有可能係安胎針同塞藥既影響,
因為上次破卵針後10日我都見綠d有控, 點知後來消失左,
到14,15日既時候仲係有控, 不過無加深到,
我就好驚會唔會係人地話既化學懷孕, 體溫又跌左0.1(由36.92跌到36.80),
好彩16日綠d有加深少少, 17日就再深少少, 再驗埋醫生果個就confirm啦

至於徵狀, 呢排間中覺得小腹痛一下咁, 胸漲反而係開頭最多, 可能係排卵針影響,
最明顯的, 係第10,11日, 下午覺得眼訓, 訓一陣之後覺得個人好熱,
量一量, 多過37少少, 但又無頭痛果d, 我仲以為我發燒添.

再講下有一樣野好奇怪, 我呢2日覺得自己手腳d青筋明顯左, 尤其沖涼好熱既時候更加明顯, 見到都嚇一嚇,
胸口都有2條淡青筋係以前無的, 我就有點擔心,
事關我其實大腿近幾年都有紫青既筋, 好似靜脈曲張果d, 又未至於咁嚴重, 可能血液循環唔好,
我今日就問下姑娘可唔可以見醫生問下, 因為我怕係食左亞士匹靈既影響,
醫生本來唔想見我, 只開藥, 因為今日未照得住, 等我見到問醫生, 佢好似覺得好唔關事喎, 可能係我多心啦!
醫生叫我驗血check HCG, 好彩有662, 令我放心晒, 4-5 week既range 係 75 - 2600
我問姑娘有無機會係孖, 佢話都有機會, 不過都好難講, 有d人指數升得快, 有d人慢, 點都好, 一個我都好心足啦
我知道依家只係第一關, 我知道多囊會容易唔穩, 醫生開左塞藥同安胎針,
仲有好多關要過, 希望下次照到小b閃閃啦, 只要佢健健康康就好了.

我由年頭睇婦科睇到年尾, 今日終於覺得有少少成果啦! 都不枉我打左咁多針!
多謝各位加油過我既姊妹, 希望我將好運(孕)傳比你地!

P.S. 睇到醫生張紙話唔好食中藥, 但我仲book左中醫過多一星期睇諗住安胎添,
        依家都唔知仲好唔好睇中醫