終於可以公佈了

呢3個月時間真係好漫長, 因為睇得太多話多囊易陀唔穩, 其實個心一直都有點擔心過唔過到呢關.
加上自己又唔係太多害喜跡象, 真係好擔心佢唔知點, 久唔久都要照下先安樂.
自己也不敢鬆懈, 一直都食糖尿藥和塞藥.
現在剛14w, 終於在新年公佈親友了.

講番之前d檢查先.
Jan 12, 2013: 9w2d
去左Dr Siu 照第二次超聲波, 今次比起上次終於清楚少少bb既影象.
好得意咁, 睇到個頭, 手腳都好似一個個圓圈咁, 一睇就知邊度頭邊度係腳仔.
不過本來9w4d既, 醫生話差2日, 係9w2d, 都有聽心跳聲好strong.

Jan 27, 2013:
今日係我既生日, 今年好特別係有小蛇b陪我.
仲有一個好特別又唔話得比人知既節目就係同老公去聽雅培講座.
個講座好有用, 講者講得好生動唔會悶, 仲入左幾個會有好多禮物添, 哈哈.
之後夜晚係尖沙咀食左個放題, 但我好忍口淨係食熟食啦.

Feb 1, 2013: 12w1d
今日去贊育醫院照唐氏, 老公都專登請假陪我去.
因為之前係健康院計錯我預產期, 所以今日呢個日期係我去改過既, 去到居然無乜人等, 第二個就到我.
小b好聽話, 比姑娘照得好清楚, 頸皮1.35, 真係鬆一口氣, 預產期係8月15日, 同Dr Siu度到既一樣.
之前真係比健康院激親, 計我7月31, 差成半個月, 差點唔岩日期照唐氏.
小b係度彈彈下, 我終於見到佢郁啦, 真係開心, 政府當然無相拿, 係我心中就夠了.

Feb 7, 2013: 13w
我終於決定轉醫生了, 因為Dr Siu 等得太耐又睇得一陣, 依家穩定我就不如睇番我之前個醫生Dr Fung, 近d又唔駛點等.
去到Dr Fung, 居然一個人都無, 可能依家無晒雙非啦, 之前都見有d大陸人.
Dr Fung 真係溫柔d, 我又貪佢診所有4D. 佢好好心機同我慢慢照, 同我講得好清楚.
不過小b位置唔係好岩, 我問醫生似仔定女, 佢都唔係好確定, 所以佢估果個我唔講住啦, 哈哈.
我估唔到佢仲同我轉去4D比我睇, 見到真係清楚好多, 佢好怕醜匿埋一邊咁.
而我自己就依然一食飽就egg egg, 皮膚又痕, 個肚都開始少少漲啦.

                     Hello呀大家, 我就係小蛇b!  因為我蛇年出世又姓佘架!