Merry Christmas!!

今天最特別既, 就係多左個可愛欣欣同我地一齊過聖誕!
聖誕欣欣祝大家開開心心, 健健康康!!

      

 我地有機會就同欣欣影下聖誕裝飾, 留下紀念, 係大埔就影到小紅帽佈置, 紅綠襯都幾靚.

仲有太古城, 白熊仔都幾有聖誕feel.

聖誕正日就去左中環, 今年無巨型聖誕樹就差咁d, 今年呢3棵好cyber, 影出來麻麻地, 不過我地好開心同聖誕老人合照, 欣欣仲收到熊仔添, Hohoho, Merry Christmas!

欣欣著住聖誕衫, 好多途人都會留意下佢, 話佢得意, 哈哈, 但呢位係一個會食奶咀既聖誕小姐!

3個半月再影寫真照

半個月前趁天氣還未冷的時候, 再同欣欣再影了很多寫真相, 今次欣欣已經可以爬係度抬起頭, 更加得意.

開頭影兔仔時最開心:

跟住再黎開心美人魚  (嘩, 呢個落雪效果係google photo自動幫我整既, 我一定要放上黎啦!)

扮甲蟲就呆呆地喇:

跟住扮下聖誕小姐:

跟住轉下黃色look, 你睇下佢隻腳仔, 踢到飛起.

最後到扮蜜蜂時已經唔制了, 要食住佢既蜜蜂奶咀, 襯晒!

踢腳腳啜手手@3個月

話咁快就3個月了, 成日都想update blog, 但每日都好似有好多野要做, 湊b真係唔簡單. 唯有一次過post多d相 :P

老公好好, 負責餵凌晨同早上果餐, 等我有得訓下, 老公返工後, 每日我一起身就泵奶, 煮野食, 餵奶, 又泵奶, 下午同b沖涼著衫, 又餵奶, 自己又煮野食, 泵奶, 洗樽, 有時洗衫晾衫, 又餵奶, 夜晚一時煮野一時買, 夜晚又餵奶, 其中好多次換片, 佢又成日喊要氹, 睡前又泵奶, 真係一日時間就咁過左, 但見到佢一日一日大, 又笑就好開心.

之前3個鐘餵一次奶, 現在已經可以4個鐘一次, 又戒左夜奶, 由夜晚12點幾時食完, 可以等到第二朝8點再食, 時間好似多番d. 雖然一餐奶都係要分2-3次先食晒, 但已經好好多.

我結果泵奶到3個多月,  之前一日泵4-5次, 現在一日只泵1-2次, 無就算了, 我覺得我捱左咁耐都算好犀利, 因為辛苦, 其實之前已經想放棄, 所以我覺得c琪媽真係好犀利呀! 加油呀!

欣欣b成日笑, 但喊起上黎真係唔簡單, 大聲都不得了,  有時明明食左奶, 換好片都喊到好大聲, 仲以為佢唔舒服, 探下熱又無事, 以為佢肚餓, 再開奶又唔食, 點知原來只係扭抱, 好多時係扭眼訓都狂喊, 要抱住佢拍佢訓先得, 好彩係一時時, 好多時比個奶咀就訓到, 無左個奶咀救星都唔知點算, 哈哈!
不過佢都算乖啦, 夜晚會好好訓, 唔會半夜三更喊, 已經好好啦, 我地有得訓!
我近來見到朋友滿月b仔, 佢成日訓, 唔多喊, 喊都細細聲, 原來欣欣b真係扭計d, 不過欣欣b都算笑得好多,係扭計b又係開心b!


3個月人仔, 手仔成日都會抓住一些東西, 餵奶就會捉住我隻手, 又成日抓頸上紗巾同自己件衫, 同公仔, 真係好得意.

近來仲發覺佢開始2手互握, 會研究下自己對手手!
呢張好似好斯文咁, 其實成日喊到拆天, 哈!

Halloween時應下節影相, 開始放隻手仔係咀邊想食, 但仲未放手指入去食, 希望佢唔食手指啦!

條頸已經有d力, 可以挨住坐一陣.

3個月唔只郁手手, 成日都踢腳打側身, 真係好好精力!  成日影到佢無影腳既相!

最後送上一張好好笑容既相!

郁手手打功夫@2個月

bb訓覺個樣真係好得意, 唔知點解佢鐘意舉起雙手訓, 好似投降咁.

      

欣欣呢個時候開始成日郁手手, 我覺得佢好似打功夫咁.

又成日笑, 不過笑樣真係幾難捕捉到.

隻腳仔就成日郁黎郁去, 整到個床墊亂晒龍, 你睇下佢仲拑實個墊添, 真係比佢激親 :P

我地發覺欣欣都幾鐘意照鏡, 係個育嬰室度就好生猛咁郁手手!

個半月寫真照

依家日日掛住湊b, 真係好充實!

好想同欣欣影下相留念, 就自己淘左d衫同佢影相, 忙了半天(其間又要食奶又訓覺又喊), 終於影到呢d靚相, 同大家分享下!